每个女仔心目中都有一个「男神」。 　　坊间传闻嘅「男神」， 可能系代表一个：好靓仔，好fit好大只，或者好有内涵嘅男人。 　　不过每个女仔身边，总有一个「男神」喺左近。 　　你会将佢既优点无限放大，觉得佢样样野都好好，可以称得上系完美; 佢既缺点 ，你会帮佢辩护甚至扭转成为优点；你会好留意佢既情感同一举一动，再主动默默地为佢付出，做好多嘢好想去亲近佢...... 　　现实系，「男神」冇好似你预期般咁对待你，甚至狠狠咁伤害你。你好苦恼，好伤心，你问：点解佢要咁对我！ 　　但其实，呢个你喜欢嘅男仔，到头来都只不过系一个凡人，一个普通嘅男人，会做所有凡人都会做嘅事，或者会犯所有凡人都会犯嘅错...... 　　呢一切，你系知道嘅。只系你由头到尾自己一厢情愿，自欺欺人，一直将佢「神化」左，佢根本就唔系你幻想出来咁完美！ 　　因为你爱上佢，所以佢先成为左你自己想像、塑造出嚟嘅「男神」！