Phil透露此曲原本另有名字：「呢首歌原本叫〈Miracle〉，其实都好似人生，有好多miracles喺我哋周围发生紧，我哋生存喺呢个世上，其实都系一个miracle。人喺呢个地球上面，点解地球要有生物同生命？其实已经系一个好大慨miracle，everything around us，好多嘢都估唔到。」 　　监制Edward Chan就赞〈生之颂〉系一首听起来，感觉好奇妙的作品，他说：「首歌系Phil同瑞典慨writer喺斯德哥尔摩慨旅程入面第二日写出嚟慨，一日内就完成咗个旋律、英文慨歌词同基本慨编曲，渠哋当时慨working title系『miracle』，在writing camp尾段时，我觉得呢首歌慨旋律唔错，我几钟意佢个歌词配合和声出嚟带俾我嗰种感觉的，渠有一种令我觉得『啊～』，嗰个和声慨处理令我感觉好奇妙。」 　　有好的旋律是重要，但合适的编曲有如同画龙点睛，故此Edward亦注重编曲部份，他说：「除咗喺斯德哥尔摩，有两位好出色慨瑞典音乐人做咗个好基本慨编曲，我亦都将首歌交俾一位曾受古典音乐training慨本地慨音乐人Ariel，去做原乐慨编写，我希望渠可以帮我编出一个好细腻、好有生命力慨原乐部份，而呢样嘢正正系我好想喺原有基本编曲上加添一份色彩，所以原乐部份我哋特别以多篇幅去处理，入面系有好多好细好细慨主题，慢慢喺原乐部份生长出嚟，去构成整个原乐部份，弥漫住整个编曲，无论上上下下慨音域，由开始首歌去到ending，原乐就好似有自己的生命力、好organic慨一个音乐部份在编曲上面生长，所以呢个编曲我特别钟意，因为可以做到两地音乐人唔同慨交流，喺好尊重大家慨底下做到自己钟意慨output放落首歌入面，成为而家慨编曲。」 　　Edward指一直未有空处理，直至返港制作唱片时就觉得是时候了，他说：「喺〈一世同学〉之后，觉得可以讲再大一啲慨题目，Phil不嬲都会偏向做positive energy慨歌曲，而歌曲亦都对于好多听众嚟讲系一啲好重要慨良方，好多人会喺渠慨歌曲中找到一个出口，所以我会觉得经历咗〈颂赞诗〉、〈高山低谷〉、〈一双手〉、〈一世同学〉后，可以创作一啲冇咁实在慨嘢，一啲比较有概念、具意识形态慨嘢，所以我亦沿『miracle』呢个概念去制作，歌名及和声与我个旋律配合出嚟嗰个奇妙感觉，去讲述一些奇妙慨事情。」 　　今次Phil找到林若宁（Riley）负责填词，Edward透露这份词的来历：「有咗呢个奇妙慨concept之后，就同填词人Riley分享，想渠试吓用渠慨角度去探讨一啲虚幻少少，同埋灵性少少上慨topic，最主要想对现时拥有慨嘢去show appreciation，好多时候可能因为工作、家庭好忙碌，或者有唔如意慨事，好容易会因为呢啲状态失却咗一啲喺生命上好简单慨小事件，其实都好值得去感恩，譬如感恩我哋有瓦遮头，感恩我哋有干净慨水去饮、有食物，而呢一切都系我哋生活喺个繁忙社会上面都可以安安乐乐。虽然唔系每件事情都会最顺利、最可以合自己心意，但只要将要求同谂法降低，其实已经系一个奇迹，透过无数慨巧合先可以做得到，同Riley倾完分享完之后，就提议不如讲每个人拥有生命，呢个生命本身已经系一个奇迹，亦因此每个人喺自已生命路途上都值得拥有一奇迹，所以将这个topic交咗俾Riley去发挥。」 　　〈生之颂〉曲风走英式风格，再带点power ballads的感觉，与Phil过往的作品有点不一样来个新尝试。歌曲旋律很有生命力，所以有不少提到生命力相关的歌词，好像歌曲一开始的「刚孵出的鹦鹉刚生出的一吋禾草泥土中拥抱」一样，在地球上有生物存在是一种奇迹；而我们每天能起床，去迎接新的一天，如同歌词中的「一束光轻轻鼓舞每日擦亮眼也是新的一个晨早深呼吸这份奇迹新鲜的空气神奇地来到精心的创造」 ，也是可以用心去感受的奇迹。其实Phil准备宣传〈生之颂〉之时，刚巧是他的同门好友陈柏宇（Jason）添B女的时候，Phil表示：「啱啱陈柏宇带咗一个BB女嚟，好多嘢都系估唔到。 」刚好和应了〈生之颂〉中「刚出生的可爱孩子娃娃的一哭一笑每段偶遇也会是有些恩赐驱使」，这个巧合，也许也算是一个奇迹。 　　演唱过多种不同类型作品的Phil，坦言今次要录好〈生之颂〉是个很大的挑战，他说：「录呢首歌都好challenging，因为嗰个range好阔，来回高音与低音位好多，同埋由最大声到最细声，真系几大分别，相当讲究，当唱到最大声、最激昂时突然要收细声，要掌握得当，所以今次真系落咗好多功夫去唱。」Phil更指自己过往推出过不少励志歌，但今次所讲的并非「细细哋慨事」，而是「大事」，所以他希望听到〈生之颂〉的人可以有不同的思想，亦引领大家去想一想，到底「生之颂」对每个人来说，会是什么？