《I Really Love To Sing》音乐企划第三回 　　古巨基变身做「唱片公司总经理」 叶巧琳试key即已搞掂录好 　　古巨基《I Really Love To Sing》音乐企划来到第三回，这次古Sir请来出道八年、两年前参加「全民造星III」而备受关注的叶巧琳（Mischa）合唱《楼下有人》。 　　这次合作曲目由基仔挑选，基仔亲解当中原因，「首歌系Tanya蔡健雅24年前写嘅作品，我好记得当年听demo嘅时候，佢唱得好soft好温柔、好松。今次个Project我好想翻唱呢只歌，我就谂合唱版嘅一把女仔声会系点嘅呢？后来我就谂到Mischa。」他谓知道以前Mischa是学古典声乐，唱opera「我听过Mischa嘅一啲作品系比较大鸣大放嘅，今次我想试吓搵出佢一种好松、好soft嘅声线。能够搵到心仪嘅一把声去做呢首歌，我觉得系好开心。」Mischa亦表示十分开心，「因为以往自己好少会用呢把声音去唱歌，听番出嚟都几正喎，同古sir把声音好夹。」 　　回想录音过程，基仔大呼惊喜。因为Mischa到舒文的studio试key当日，基仔并不在场，后来一日他到舒文录音室时，基仔听到Mischa试Key音轨，即惊为天人！「我话：『吓！录好咗嗱？』试key都唱到咁好嘅！」Mischa亦坦言惊喜，「第二次上去，我以为要由头再录过，咦！原来唔系喎，只系补少少嘢、补啲adlib位咁样。」正式录音日，基仔谓既然已经有一些唱得很好的在手，遂提议Mischa Casual地全首唱两、三take，看看有没有更多惊喜，结果现在的最后成品就是来自这随意的两、三take！「呢首歌变咗男女合唱，完全唱出嗰种男女爱情嘅暧昧感，Magic！」 　　MV方面，男主角由唱作歌手力臻担任，广告界新星的郭思则饰演少女Mischa，Mischa表示：「个MV系讲长大后嘅我回顾番以前曾经错过咗嘅一段冇发展过嘅感情。我谂好多人喺成长嘅阶段，都可能会经历过。」至于基仔的角色，则是唱片公司高层，「我嘅角色其实喺时空上同Mischa系冇交接，因为喺戏里面，我系一间唱片公司总经理，我嚟到呢个歌厅，见到力殝同埋细个嘅Mischa。」