@migu music@

A Casa Di Babbu - Antoine Ciosi

A vechja casa di babbu

Si trova in fond'à una valla

Un scogliu carcu di murza

A teni nantu à so spalla

Vicinu sott'à una fica

Ci corre una funtanella

A mane ci canta un merlu

A sera luce una stella

À mezz'a machja fiurita

Più n'altu trinega un pinu

Carizzatu da lu ventu

Risona cume un violinu

A vechja casa di babbu

Ma perché l'aghju lasciata

Stanotte aghju sunniatu

Ch'ella si n'era falata

A fica s'era siccata

A funtanella ùn corrìa

A cant'à una stella in pezzi

Un acellucciu pienghìa

Di ciò ch'o tenìa caru

Un restava che lu pinu

Trinigava tristemente

Sott'à lu celu turchinu

Quando mi so discitatu

Piegnendu com'un zitellu

Vidì la casa in pianu

A funtanella e l'acellu

E dipoi issu mumentu

Aghju stu penseru in capu

Ritruvà ne lu più prestu

A vechja casa di babbu