@migu music@

Lanquan Li Jorn - Ensemble Amadis

Lanquan li jorn son lonc e may

M'es belhs dous chans d'auzelhs de lonh

E quan mi suy partitz de lay

Remembra'm d'un' amor de lonh

Vau de talan embroncx e clis

Si que chans ni flors d'albespis

No m valon plus que l'yverns gelatz be tenc lo

Senhor per veray

Per que formet sest' amor de lonh

Mas per un ben que m'en eschay

N'ai dos mals quar tant suy de lonh

A quar no fuy lai pelegris

Si que mos fustz e mos tapis

Fos pels sieus belhs huelhs remiratz be'm parra joys quan

Li querray

S'ieu no vey sest' amor de lonh

No'm sai quora mais la veyrai

Que tan son nostras terras lonh

Assatz hi a pas e camis

E per aisso no'n suy devis

Mas tot sia cum a lieys platz