@migu music@

Mond - Haindling

Written by：Hans/Jürgen Buchner

Wennst du a moi traurig bist

Nimms ned glei so schwer

Wenn dir ois zuwider is

Und di gfreit goar nix mehr

Wos is denn los wos is denn des

Wos werma denn so traurig sei

Das lebn geht weida du werst scho seng

Boid is wieder olles vorbei

Ja wos schaut denn der mond

Heit so traurig drei

Und versteckt si hinter de wolkn

Er werd doch woi ned beleidigt sei

Und wui sei liacht abschoidn

Vielleicht schaut er deswegn so komisch

Weil er scho wieder zuagnomma hod

Aba des is doch bei eam ned so schlimm

Er nimmt doch schnai wieder ob

Na na der mond der hod ganz wos anders

Wos anders wos er ned versteht

Er schaut jetz den

Menschen scho so lang zua

Und denkt sichmei san de bled

Do hockens do druntn af fernan planetn

Und san doch so wintzig kloa

Und miassn sich immer nur streitn

Und keman sich wie die grasstn vor

Do sands auf dem blaue planetn

Der so bunt is und so schee

Und olles is do fur jeden is platz

Doch sie kennan sich ned verstehn

Oh mei sogt do da mond oh mei

Oh mei oh mei oh mei oh mei

Nimm des liad des is fur di

Des hob I fur di gmacht

Auf dass es dir wieder besser geht

Und scho wird wieder glacht

Des wos gestern gwesn is

Des is scho lang vorbei

Mach dei fenster ganz weid auf

Bald is wieder olles nei

Jetzt braucht a da mond

Nimmer so traurig schaun

Und sich verstecka hinter di wolkn

Er muass a goar nimmer beleidigt sei

Und ned sei liacht obschoidn

Ja jetzt schaugt da mond

Glei wieder freindlich

Und jetzt lacht er di sogar o

Und du lachst eahm zruck und er gfreit si

Denn du bist wieder froh

Oh mei sogt do da mond oh mei

Oh mei oh mei oh mei oh mei

Oh mei sogt do da mond oh mei

Oh mei oh mei oh mei oh mei