歌曲名 老芋仔

歌手名 林助家

作词：林助家

作曲：林助家

青翠的竹园留着有偌济

有偌济的故事讲予你知予你知

社会进步生活改变

工厂铁厝仔代替田园

观音坑的田已经无去啊

会记咧门口埕有一欉桂花

阮嘛定定爬起咧树仔顶

向对山跤看落

有青色的竹园佮田园

阮等待老邮差

等待阿公寄肉松来

是一条无点仔胶的山路

送批的老芋仔

背着邮局的大卡袋仔啊

走着田埂仔路蹽过观音坑溪

辛苦的老邮差流汗若雨来

哈啊是阿公疼孙

哈啊等待的是思念

卡早观音山的公路局嘛没几帮

阿母担着竹笋

坐车去市内做生理

车内笋仔满满是

用够迒的才行有路

透早的头帮车

阮的蝉仔车顶吱吱叫

哈啊是无烦无恼

哈啊是做囡仔的时阵

枫跤总站蹛着挈批的老邮差

伊嘛逐工坐车

去成子寮领批送倒转来

有学问的老芋仔

是阮兜上欢迎的人客

赶紧倒一杯汽水賰的是阮的

哈啊是阿公疼孙

哈啊等待的是思念

哈啊是温暖的老邮差

哈啊是五十年代

青翠的竹园留着有偌济偌济的故事