@migu music@

يالغۇز ياتقاندا ئەسلەرسەن مېنى.

ئۇيقۇ قاچقاندا ئەسلەرسەن مېنى.

گۈلنى يايرىم دەپ باھاردا بۇلبۇل.

قوشاق قاتقاندا ئەسلەرسەن مېنى.

يالغۇز ئۇجىراڭدا باشلىنىپ كېچە

چىراغ ياققاندا ئەسلەرسەن مېنى.

ئويغانساڭ سەھەر يېنىڭدا مەن يوق.

ھەر تاڭ ئاتقاندا ئەسلەرسەن مېنى.

يامغۇر سۆزلىرىم يادىڭدا بولسۇن

يامغۇر ياغقاندا ئەسلەرسەن مېنى.

تاھىر ئاققاندەك ئەزىم دەريادا

مەنمۇ ئاققاندا ئەسلەرسەن مېنى.

ئىزدەپ تاپالماي مەندىن ياخشىنى

بېشىڭ قاتقاندا ئەسلەرسەن مېنى.

مەندىن ياخشى دەپ يۈرگەن ئاشىقىڭ

.تاشلاپ قاچقاندا ئەسلەرسەن مېنى.