一首无聊个歌 - 游怡婷

作词：陈弘洋

作曲：游怡婷

这系一首无聊个歌

写了正试着当孤盲

毋知爱写分么侪听

价值乜无几多

这系一首无聊个歌

从这头写到该头

若系无人爱听

我还系爱继续

继续写继续唱唱分我自家听

爱唱快乐个痛苦个伤心个

无聊个全系个人生

爱讲衰过个生趣个尽采个

煞猛个全系个命运

这系一首无聊个歌

听了怕系乜无人会安恼

假使恁样乜无关系我还系会继续

继续写继续唱

唱我无法度整理个头脑

摎当多讲毋出嘴个烦劳

无讲么个爱情个难

乜无么个生活个悿

词乜无写到当靓

乜毋像情歌恁样甜甜

这就系一首无聊个歌

我就系一个毋重要个人

斯像过时个月历毋系金金个天河

到这下还系毋知么侪爱听

毋过我知

最少我做得摎讲毋出嘴个话

全部唱分大自家听

爱唱

失望个艰苦个愠悴个

委屈个我全爱唱

爱讲

摝死人个毋盼得个畅摸摸个

惜入心个全爱讲

这系一首无聊个歌

我知毋会有人重视我爱仰般想知

歌唱到这片还系

浪费大自家个时间

正经败势

毋系一个有想法个后生人

续来还系会一直努力

摎这首无聊个歌唱啊唱下去