作曲：周莹

阿娇你细个有咩梦想啊

有都好多架律师啦警察啦

空中小姐啦谂唔到而家做左歌手

我曾经都有个梦想就系做护士喇

我觉得佢地D制服又白又靓又可以帮到人喎

做护士呢真系好有意义架但系

小朋友你哋又知唔知喺19世纪

好多人都觉得做护士好低微

而且嗰时佢地又冇受过专业训练直到南丁格尔嘅出现

英国人南丁格尔

1820 年喺意大利出世1910 年逝世佢一生都系奉献俾病人

大家都专称佢护士之母

南丁格尔出生喺一个富有家庭

自细就得到屋企悉心裁培文学音乐都好叻

而且仲识英法德意大利文多种语言

所以父母对佢都有好大期望

希望南丁格尔可以晋身上流社会

而佢就有唔同嘅谂法喇

南丁格尔喺日记度讲过

自己有三个愿望就系成为文学家家庭主妇同埋护士

喺佢细个嗰阵

已经好钟意玩扮护士游戏同D公仔包扎伤口喇

佢仲好有爱心每一次见到小动物受伤

佢都会细心照顾

估唔到后来佢真系梦想成真呀

24 岁嗰阵南丁格尔终于有机会喺欧洲参加护士训练课程

正式成为护士到1853 年

仲做咗伦敦一间医院嘅院长添

后来英法土耳其同俄国发生战争

于是南丁格尔就同38 位妇女

一齐出发去前线担任战地护士喇

小朋友话俾你地听呀

南丁格尔原来仲有一个名叫提灯天使原来当时佢喺战地医院里面

每晚都会拎住盏油灯巡房照顾病人

大家见到佢就好似见到天使一样咁开心

所以咪叫佢做提灯天使啰

喺战后南丁格尔成立咗世界上第一间正规护士学校

令护士得到训练成为专业工作

为咗记念佢

每年5 月12 日南丁格尔生日都会举行国际护士节

我真系好佩服南丁格尔

一直都坚持自己嘅理想

终于梦想成真仲造福人添

咁唔知大家又有啲咩梦想呢﹗