Xhensila Myrtezai (lindi më 9 pril 1993) është një këngëtare shqiptare. 　　Karriera 　　Ajo u bë e njohur falë talent show “Ethet e së premtes mbrëma”. Ajo atëherë ishte vetëm 14 vjeç. Për një kohë shumë të shkurtër ajo rrëmbeu zemrat e publikut me këngën dhe stilin magjepsës, duke mos përmendur edhe çmime të cilat i ka fituar nëpër kompeticione muzikore. Ajo ka marrë pjesë edhe në Top Fest me këngën “A më do”. Vitin e ardhshëm ajo morri pjesë në Top Fest 6 me këngën "Ekzistoj", por nuk mundi të shkoj në finale. 　　Në vitin 2010, Xhensila morri pjesë në Top Fest 7 me këngën "A Me Do?". Më 2011, ajo morri pjesë në Top Fest 8 me këngën "Engjelli Im", ku morri çmimin me këngën më të mirë në zhanrin Pop/R&B. Në dhjetor 2011, Xhensila morri pjesë në Festivali i 50-të me këngën "Lulet mbledh për hënën". 　　Në gusht 2012 ajo lansoi këngën "Da Da Da" shkruar nga Dr. Flori. Videoklipi është prodhuar nga Supersonic Production dhe u xhirua në Maqedoni. 　　Në gusht 2013, Xhensila publikon videoklipin "Liar", në bashkëpunim me Elgit Doda, shkruar nga Rozana Radi. Videoklipi u prodhua nga Max Production. Në korrik 2014, Xhensila publikon videoklipin "Vespa", në bashkëpunim me Endri Prifti. Teksti u shkrua nga Endrit Mumajesi. Videoklipi u prodhua nga Pro Video. Në shtator 2015 ajo lansoi këngën "Ama dorën" në bashkëpunim me Mozzik. 　　Më 1 qershor 2018, Xhensila lansoi këngën "Çika Çika" në bashkëpunim me Ardian Bujupi që u shkrua nga Endrit Mumajesi dhe Ardian Bujupi. Videoklipi u prodhua nga Pro Video.